Mahasib: Latest News | Urdu News

ہم کسی سے کوئی انتقام نہیں لیں گے، ملک کیلیے درگزر کرنا ہوگا، عمران خان

راولپنڈی: پاکستان تحریک انصاف کے بانی چیئرمین عمران خان نے کہا ہے کہ ہم کسی سے کوئی سیاسی انتقام نہیں لیں گے، ملکی ترقی کیلیے ہمیں معافی اور درگزر کی طرف جانا ہوگا۔ اڈیالہ جیل میں پاکستان تحریک انصاف کے نو منتخب اراکین قومی اسمبلی علی محمد خان، عامر ڈوگر اور لطیف کھوسہ سے عمران خان کی ملاقات ہوئی، جس کے بعد تینوں رہنما میڈیا سے بغیر گفتگو کے روانہ ہوگئے۔ مزید پڑھیں: اسٹیبلمشنٹ سے بات کرنے کیلیے تیار ہیں، ترجمان پی ٹی آئی بعد ازاں پاکستان تحریک انصاف کے رہنما نے سماجی رابطے کی سائٹ پر عمران خان سے ملاقات کا احوال لکھا اور بتایا کہ ’عمران خان نے کہا ہے کہ ہم کسی سے کوئی سیاسی انتقام نہیں لیں گے بلکہ ملک کی ترقی کی خاطر آگے جائیں گے‘۔ علی محمد خان نے کہا کہ ’عمران خان نے نیلسن منڈیلا کے ٹرتھ اینڈ ری کنسلیشن کمیشن کا حوالہ دیتے ہوئے بولا کہ ملک کو آگے لے جانے کیلیے ہمیں سچ، معافی اور درگزر کی طرف جانا ہوگا‘۔

نواز شریف کی زیر صدارت اجلاس، لیگی اراکین کی وفاق میں اکیلے حکومت نہ بنانے کی تجویز

لاہور: پاکستان مسلم لیگ کے رہنماؤں نے پارٹی قیادت کو وفاق میں حکومت نہ بنانے کی تجویز دے دی۔ پاکستان مسلم لیگ ن کے قائد نواز شریف کے زیرصدارت جاتی امرا میں ہونے والے پارٹی اجلاس کی اندرونی کہانی سامنے آگئی ہے، جس کے مطابق اجلاس میں وفاق و پنجاب میں حکومت سازی کے معاملات پر تفصیلی بریفنگ دی گئی۔ ذرائع کا کہنا ہے کہ اجلاس میں شرکاء نے کھل کر اپنے اپنے خیالات کا اظہار کیا اور وفاق میں حکومت بنانے یا نہ بنانے کے حوالے سے اراکین کی متضاد آرا سامنے آئیں۔ ذرائع کا کہنا ہے کہ اجلاس کے شرکا نے تجویز دی کہ موجودہ حالات میں ن لیگ کو پیپلزپارٹی کے بغیر وفاق میں حکومت نہیں بنانی چاہیے، پاکستان پیپلزپارٹی کی قیادت کو ملک کی خراب معاشی حالات بارے تفصیلی بریفنگ دی جائے۔ اجلاس میں بریفنگ دی گئی کہ موجودہ معاشی صورتحال انتہائی گھمبیر اور مشکل ہو چکی ہے، کوئی جماعت تنہا اس سے نمٹ نہیں سکتی۔ اراکین نے دوسری تجویز دی کہ سیاست نہیں ریاست بچاو کے فارمولے کے تحت وفاق میں حکومت بنانے کے لئے سنجیدہ کاوش کی جائے، تمام سیاسی جماعتوں کو ایک پلیٹ فارم پر لا کر وفاق میں مشترکہ حکومت سازی کی جائے اور قومی مفاد میں اجتماعی ذمہ داریوں کے تحت ملک کو معاشی گردان سے نکالنے میں اپنا اپنا حصہ ڈالا جائے۔ لیگی ذرائع کا کہنا ہے کہ اجلاس میں متضاد رائے کی بنا پر مسلم لیگ ن کی قیادت وفاق میں حکومت سازی پر حتمی فیصلہ نہ کرسکی جبکہ وفاق میں حکومت سازی کے حوالے سے ایک اور اجلاس میں مزید گفتگو کا فیصلہ کیا گیا ہے۔ نواز شریف کی زیر صدارت جاتی امرا میں ہونے والے اجلاس میں شہباز شریف، مریم نواز، اسحاق ڈار، مریم اورنگزیب، خواجہ سعد رفیق، اعظم نذیر تارڑ، سردار ایاز صادق بھی، احسن اقبال، رانا تنویر حسین، سلمان شہباز اور ملک احمد خان سمیت دیگر نے شرکت کی۔

2024میں بلدیاتی انتخابات کرانے کا فیصلہ

گلگت (خصوصی رپورٹ) گلگت بلتستان میں ایمرجنسی نافذ صوبے میں بلدیاتی انتخابات میں ترامیم کی منظوری سرکاری محکموں کی خالی اسامیوں پر بھرتیوں,خواتین میں آئرن کی کمی کو دور کرنے پراجیکٹ کی منظوری, سیلاب متاثرین کو معاوضوں کی ادائیگیوں سمیت گرڈ اسٹیشن کے لیئے زمین خریداری کی منظوری و رمضان میں تھرمل جنریٹرز کے زرئیعے بجلی کی غیر اعلانیہ لوڈشیڈنگ پر قابو پانا صوبائی کابینہ نے منظوری دے دی صوبائی حکومت نے 2024 میں بلدیاتی انتخابات کرانیکا فیصلہ کر لیا رمضان المبارک میں افطاری و سحری کو بجلی لوڈشیڈنگ نہیں ہو گء وفاقی حکومت نے 5 ارب 50 کروڑ کی منظوری دے دی ہے ٹھکیداروں کے بقایاجات ادائیگی کو ہر صورت یقینی بنائیں گے سابق حکومتوں نے پاور منصوبوں پر کام ہی نہیں کیا ہے بجلی کہاں سے پیدا ہو گئے صوبائی حکومت نے پاور کے اھم منصوبوں پر کام کیا ہے بہت جلد سسٹم میں بجلی شامل کیا جائے گا تاکہ بجلی کی غیر اعلانیہ لوڈشیڈنگ پر قابو پایا جائے گا مگر 2028 تک بحران پر قابو پانا ممکن نہیں صوبائی وزیر خوراک غلام محمد کے ہمراہ صوبائی وزیر فنانس انجینئر اسماعیل صوبائی وزیر داخلہ شمس لون اور صوبائی وزیر ایکسائز اینڈ ٹیکسیشن حاجی رحمت خالق کا صوبائی کابینہ اجلاس کے بعد پریس کانفرنس میں گفتگو صوبائی وزیر خوراک غلام محمد نے صوبائی کابینہ اجلاس میں ہونے والے فیصلوں کے بعد پریس کانفرنس کرتے ہوئے کہا کہ کابینہ نے فیصلہ کیا ہے کہ گلگت بلتستان کے سرکاری محکموں میں جتنے بھی خالی آسامیاں ہیں انکو رمضان المبارک کے مہینے میں بھرتیاں کی جائیں گی اس حوالے سے تمام تقاضے پورے کئے جائیں گے صوبائی حکومت نے گلگت بلتستان میں بلدیاتی انتخابات کرانے کا بھی فیصلہ کیا ہے اس حوالے سے تین اہم ترامیم کی منظوری دے دی گئی ہے کابینہ نے گریڈ سٹیشن کے لئیے زمین کی خریداری کی منظوری بھی دے دی ہے رمضان المبارک میں افطار اور سحری میں بجلی فراہم کرنے کے لیے جنریٹر چلانے کا بھی فیصلہ ہوا ہے تاکہ رمضان المبارک میں بجلی سحری اور افطاری میں بلا تعطل فراہم کرسکے کابینہ اجلاس میں یہ بھی فیصلہ ہوا ہے کہ خواتین میں آئرن کی کمی کو دور کرنے کے لیے محکمہ خوراک نے ایک پراجیکٹ کی منظوری دے دی ہے کابینہ اجلاس میں فلڈ متاثرین کے لیے معاوضوں کی منظوری بھی دے دی گئی ہے اس دوران صوبائی وزیر خزانہ انجینئر اسماعیل نے کہا کہ گلگت بلتستان حکومت وفاق میں ہونے والے الیکشن کو شفاف قرار دے دیا ہے گلگت بلتستان میں ترقیاتی بجٹ کو وفاق نے ریلز کیا ہے۔اس دوران صوبائی وزیر ایکسائز اینڈ ٹیکسیشن رحمت خالق نے کہا ہے کہ گلگت بلتستان میں آنے والے سات سالوں تک بجلی بحران پر قابو پانا مشکل ہے اس کی وجہ یہ ہے کہ سابقہ حکومتوں نے جو پراجیکٹ لگائے ہیں ایسے جگہوں میں بنائے ہیں جو ہر سال سیلاب کی نظر ہوتے ہیں انہوں نے کہا کہ وفاق میں مولانا فضل الرحمان نے اپوزیشن میں بیٹھنے کا فیصلہ کیا ہے وہ وفاقی سطح کا فیصلہ ہے گلگت بلتستان میں اس حوالے سے ہمارے پاس کوئی فیصلہ نہیں ایا اگر اسطرح ہوا تو اس وقت سوچا جائے گا۔

لوڈشیڈنگ کے خلاف خواتین سڑکوں پر آگئیں، حکومت کے خلاف نعرے بازی

گلگت (چیف رپورٹر) دارلحکومت گلگت شہر میں لوڈ شیڈنگ کا دورانیہ 23 گھنٹے تک جا پہنچا خواتین سڑکوں پر آگئیں حکومت اور محکمہ برقیات کے خلاف نعرے بازی گلگت شہر کے وسط کشروٹ میں خواتین اور بچوں نے پارک لنک روڈ بند کرکے شدید احتجاج کیا اس موقع پر ٹریفک کا نظام معطل رہا جبکہ خواتین نے حکومت اور محکمہ برقیات کی نا اہلی کے خلاف نعرے بھی لگائے خواتین کا کہنا تھا کہ گلگت دارلخلافہ ہونے کے باوجود 23 گھنٹے کا اعصاب شکن لوڈ شیڈنگ جاری ہے جو عوام پر ظلم ہے حکومت عوام کو بجلی نہیں دے سکتی ہے تو حکومت چھوڑ دے ورنہ عوام کو بنیادی سہولیات فراہم کریں اگر ہمارے مطالبات تسلیم نہیں کئے تو احتجاج کو مزید سخت کرینگے

آئی ایم ایف کی شرط پر گیس مزید 67 فیصد مہنگی

اسلام آباد: حکومت نے آئی ایم ایف کی شرط پر گیس مزید 67 فیصد مہنگی کردی۔ ذرائع کے مطابق وفاقی کابینہ نے گیس کی قیمتوں میں اضافے کی منظوری دے دی۔ ذرائع کے مطابق پروٹیکٹڈ صارفین کے لیے گیس قیمتوں میں 100 روپے فی ایم ایم بی ٹی یو اضافہ کیا گیا ہے۔ ذرائع کے مطابق وفاقی کابینہ نے نان پروٹیکٹڈ صارفین کے لیے گیس قیمتوں میں 300 روپے فی ایم ایم بی ٹی یو اضافے کی منظوری دی ہے۔ علاوہ ازیں بلک میں گیس استعمال کرنے والوں کے لیے فی ایم ایم بی ٹی یو قیمتوں میں 900 روپے کا اضافہ، سی این جی سیکٹر کے لیے فی ایم ایم بی ٹی یو قیمتوں میں 170 روپےکا اضافہ کیا گیا ہے۔ ذرائع کے مطابق سی این جی سیکٹر کے لیے فی ایم ایم بی ٹی یو قیمتوں میں 170 روپےکا اضافہ ہو گا گیس کی قیمتوں میں اضافےکا اطلاق یکم فروری سے ہوگا۔ نگران وزیراعظم انوار الحق کاکڑ کی زیر صدارت وفاقی کابینہ کا اجلاس اسلام آباد میں منعقد ہوا۔ نئے ٹائروں کی کراچی پورٹ سے کابل منتقلی کی منظوری وفاقی کابینہ نے وزارت تجارت کی سفارش پر اقوام متحدہ ترقیاتی پروگرام کے تحت افغانستان کنٹری آفس کے زیر استعمال گاڑیوں کے اسپئیر پارٹس اور نئے ٹائروں کی کراچی پورٹ سے کابل، افغانستان ٹرانزٹ /منتقلی کی منظوری دے دی۔ کابینہ کو بتایا گیا کہ ملک میں اسمگلنگ کی روک تھام کے لیے ایسی درآمدات اور ان کی افغانستان منتقلی کی ممانعت ہے تاہم اقوام متحدہ ترقیاتی پروگرام کے تحت مذکورہ اسپئیر پارٹس اور ٹائروں اقوام متحدہ کے استعمال میں ہوں گے اور انہیں کاروباری استعمال میں نہیں لایا جائے گا۔ ملزم عرفان قادر بھٹی کو سلطنت ناروے کے حوالے کرنے کی منظوری وفاقی کابینہ نے وزارت داخلہ کی سفارش پر دوہری شہریت کے حامل ملزم عرفان قادر بھٹی کو سلطنت ناروے کے حوالے کرنے کی منظوری دے دی۔ کابینہ کو بتایا گیا کہ ملزم پر حکومت ناروے کی جانب سے دہشتگردی میں ملوث ہونے کا الزام ہے۔ اس حوالے سے ایڈیشنل ڈپٹی کمشنراسلام آباد کو بطور انکوائری آفیسر تعینات کیا گیا تھا، جو بعد از تفتیش اس نتیجہ پر پہنچے کہ ملزم دہشتگردی اور دیگر غیر قانونی سرگرمیوں میں ملوث ہے۔ ان معلومات کی روشنی میں وفاقی کابینہ نے ملزم کو ناروے کے حوالے کرنے کی منظوری دی۔ وفاقی کابینہ نے وزارت تخفیف غربت و سماجی تحفظ کی سفارش پر مینیجنگ ڈائریکٹر پاکستان بیت المال کی خالی آسامی پر سید طارق محمد الحسن کی تعیناتی کی منظوری دے دی۔وفاقی کابینہ نے وزارت اطلاعات و نشریات کی سفارش پر پاکستان ٹیلی ویژن کارپوریشن کی جانب سے غیر ملکی براڈکاسٹرز کو کھیلوں کے مقابلوں کے نشریاتی حقوق کی مد میں ادائیگیوں کی اجازت دے دی۔ منظوری اور توثیق وفاقی کابینہ نے وزارت دفاعی پیداوار کی سفارش پر سیکریٹیریٹ گروپ کے گریڈ بیس کے افسر خان نواز کی ہیوی انڈسٹری ٹیکسلا میں بطور ممبر فنانس دوبارہ تعیناتی کی منظوری دے دی۔وفاقی کابینہ نے وزارت خزانہ کی سفارش پر جے ایس بینک کے اسپانسرنگ شئیر ہولڈر شبیر احمد رندیری کو بینکنگ کمپنیز آرڈیننس کے سیکشن (IV)(1)14سے استثنیٰ دینے کی منظوری دے دی۔ اس استثنیٰ کے تحت شبیر احمد 7.06 فیصداسپانسرنگ شئیر ہولڈر کی حیثیت سے جے ایس بینک لمیٹڈ میں اپنا ووٹنگ کا حق استعمال کر سکیں گے۔ وفاقی کابینہ نے کابینہ کمیٹی برائے توانائی کے 6 فروری کے اجلاس میں لئے گئے فیصلوں کی توثیق کر دی۔وفاقی کابینہ نے کابینہ کمیٹی برائے لیجسلیٹو کیسز کے 7 فروری کے اجلاس میں لئے گئے فیصلوں کی توثیق کر دی۔وفاقی کابینہ نے کابینہ کمیٹی برائے نجکاری کے 7 فروری کے اجلاس میں لئے گئے فیصلوں کی توثیق کر دی وفاقی کابینہ نے اقتصادی رابطہ کمیٹی کے 7 فروری اور 14 فروری کے اجلاس میں لئے گئے فیصلوں کی توثیق کر دی۔

عدم اعتماد کے حق میں نہیں تھا، باجوہ اور فیض حمید نے ہدایات دیں، فضل الرحمان

اسلام آباد: جمعیت علما اسلام کے سربراہ مولانا فضل الرحمان نے دعویٰ کیا ہے کہ وہ عمران خان کے خلاف عدم اعتماد کی تحریک میں نہیں تھے اور یہ تحریک پیپلزپارٹی نے چلائی جبکہ سیاسی جماعتوں کو سابق آرمی چیف جنرل (ر) باجوہ اور جنرل (ر) فیض حمید نے ہدایات دیں۔ نجی ٹی وی کو دیے گئے انٹرویو میں مولانا فضل الرحمان نے کہا کہ عمران خان کے خلاف عدم اعتماد کی تحریک دراصل پیپلزپارٹی نے چلائی اور میں اس کے حق میں نہیں تھا البتہ اس لیے ساتھ دیا کہ پھر پی ڈی ایم کہتی کہ میں نے بانی پی ٹی آئی کو بچایا ہے۔ انہوں نے کہا کہ جنرل فیض حمید بھی عدم اعتماد کی تحریک کے حق میں تھے اور انہوں نے کہا تھا کہ سسٹم میں رہ کر سب کرسکتے ہیں جس پر انہیں اعتراض نہیں ہوا، جنرل (ر) باجوہ اور جنرل (ر) فیض حمید نے سیاسی جماعتوں کو عدم اعتماد کے حوالے سے ہدایات دیں اور ن لیگ، پیپلزپارٹی نے اس کو مہر ثبت کیا۔ فضل الرحمان نے کہا کہ 2018 کے الیکشنز میں بھی دھاندلی ہوئی اور 2024 کے الیکشن بھی چوری ہوئے اور یہ کوئی ڈھکی چھپی بات نہیں ہے، اس چوری کے خلاف ہم احتجاجی سیاست کریں گے اور اب فیصلےایوان نہیں میدان میں ہوں گے۔ انہوں نے کہا کہ حکومت سازی سے متعلق بات چیت اور مذاکرات کے لیے شہبازشریف میرے پاس آئےتھے مگر میں نے اُن کو انکار کردیا، میں سمجھتا ہوں کہ 2024 کے الیکشن میں جو کچھ بھی ہوا اُس کا فائدہ ن لیگ کو پہنچا اور افواہ یہ بھی ہے کہ نواز شریف کو لاہور کی سیٹ دی گئی ہے۔ مولانا فضل الرحمان نے کہا کہ ن لیگ اور دیگر سیاسی جماعتوں نے حکومت بنانے کا فیصلہ کیا ہے تو اچھے برے کے ذمہ دار یہ خود ہوں گے، مجھے موجودہ پارلیمنٹ کا کوئی مستقبل نظر نہیں آریا اس لیے صرف ن لیگ کو اپوزیشن میں بیٹھنے کی دعوت دی ہے۔ سربراہ جے یو آئی نے کہا کہ تحریک انصاف کے ساتھ دماغ اور سوچ کا فرق ہے جو ختم ہوسکتا ہے۔

پی ٹی آئی اور جے یو آئی نے اپنا اپنا بیانیہ دفن کردیا، فیصل کریم کنڈی

اسلام آباد: پاکستان پیپلزپارٹی (پی پی پی) کے رہنما فیصل کریم کنڈی نے جمعیت علمائے اسلام کے سربراہ مولانا فضل الرحمان کی جانب سے سابق اتحادی حکومت کی تشکیل میں اسٹیبلشمنٹ کے کردار سے متعلق بیان پر تنقید کرتے ہوئے کہا ہے کہ پی ٹی آئی اور جے یو آئی نے اپنا اپنا بیانیہ دفن کردیا ہے۔ فیصل کریم کنڈی نے کہا کہ دیکھنا یہ ہے بانی پی ٹی آئی اور مولانا ایک دوسرے سے معافی نہ سہی معذرت کب کرتے ہیں، قدرت کا قانون ہے ہر چیز اپنی اصلیت پر جاتی ہے، مولانا کا صفایا خیبرپختونخوا میں ہوا لیکن شور سندھ میں مچا رہے ہیں۔ انہوں نے کہا کہ مولانا قوم کو بتائیں کہ دھرنا کس کے کہنے پر شروع کیا اور کس کے حکم پر ختم کیا، بقول مولانا سابقہ حکومت کے خلاف عدم اعتماد جرنیلوں کے کہنے پر لائی گئی تو یہ بھی بتائیں کہ حکومت کے خاتمے کے بعد صورت حال میں سب سے زیادہ فائدہ مند کون تھا۔ ان کا کہنا تھا کہ کس نے کس کس محکمے میں کتنی کرپشن کی اور ریاستی وسائل کی لوٹ مار کی اس کی حقیقت بھی بتائیں، ٹانک سے مولانا کا بیٹا جیت جاتا تو ان کا بیان ہوتا سسٹم چلتا رہے اور ہم حکومت کے اتحادی ہوں گے۔ فیصل کریم کنڈی نے کہا کہ چونکہ ابھی تک بیٹا اسمبلی میں نہیں تو مولانا سابقہ 16 ماہ اتحادی حکومت میں ملنے والی غیبی امداد بند ہوتی دیکھ کر غضب ناک ہو رہے ہیں۔ واضح رہے کہ مولانا فضل الرحمان نے ‘سما ٹی وی’ کو انٹرویو میں دعویٰ کیا تھا کہ عمران خان کے خلاف عدم اعتماد کی تحریک دراصل پیپلزپارٹی نے چلائی اور میں اس کے حق میں نہیں تھا البتہ اس لیے ساتھ دیا کہ پھر پی ڈی ایم کہتی کہ میں نے بانی پی ٹی آئی کو بچایا ہے۔ نہوں نے کہا تھا کہ جنرل فیض حمید بھی عدم اعتماد کی تحریک کے حق میں تھے اور انہوں نے کہا تھا کہ سسٹم میں رہ کر سب کرسکتے ہیں جس پر انہیں اعتراض نہیں ہوا، جنرل (ر) باجوہ اور جنرل (ر) فیض حمید نے سیاسی جماعتوں کو عدم اعتماد کے حوالے سے ہدایات دیں اور ن لیگ، پیپلزپارٹی نے اس کو مہر ثبت کیا۔ مولانا فضل الرحمان نے کہا تھا کہ 2018 کے الیکشنز میں بھی دھاندلی ہوئی اور 2024 کے الیکشن بھی چوری ہوئے اور یہ کوئی ڈھکی چھپی بات نہیں ہے، اس چوری کے خلاف ہم احتجاجی سیاست کریں گے اور اب فیصلےایوان نہیں میدان میں ہوں گے۔

فضل الرحمان سے ملاقات میں پی ٹی آئی اور جے یو آئی کا انتخابی نتائج نہ ماننے پر اتفاق

اسلام آباد: پاکستان تحریک انصاف (پی ٹی آئی) کے وفد کی مولانا فضل الرحمان کی رہائش گاہ پر اُن کی ملاقات ہوئی جس میں ملک میں مبینہ انتخابی دھاندلی کیخلاف تحریک سمیت مختلف امور پر تبادلہ خیال کیا گیا جبکہ دونوں جماعتوں نے انتخابی نتائج کو مسترد کردیا۔ تفصیلات کے مطابق پاکستان تحریک انصاف کا وفد اسد قیصر کی سربراہی میں مولانا فضل الرحمان کی رہائش گاہ پہنچا، وفد میں عامر ڈوگر، بیرسٹر سیف اور فضل احمد شامل تھے۔ مولانا فضل الرحمان نے پی ٹی آئی وفد کا خیر مقدم کیا اور ملاقات شروع ہوئی جس میں حالیہ انتخابات اور سیاسی صورت حال پر گفتگو کی گئی۔ ملاقات میں حالیہ انتخابات میں مبینہ دھاندلی سمیت تحفظات پر تبادلہ خیال کیا گیا۔ ذرائع کے مطابق پی ٹی آئی وفد نے بانی چیئرمین کا پیغام مولانا فضل الرحمان تک پہنچایا اور مبینہ دھاندلی سمیت اپوزیشن میں بیٹھ کر ساتھ سیاسی جدوجہد کرنے کی دعوت بھی دی۔ ذرائع کے مطابق پی ٹی آئی وفد نے مولانا فضل الرحمان سے گفتگو میں انتخابات میں حالیہ دھاندلی پر تشویش کا اظہار کیا۔ ذرائع کا کہنا ہے کہ اسد قیصر نے کہا کہ انتخابات میں ملکی تاریخ کی بدترین دھاندلی ہوئی ہے۔ اس پر فضل الرحمان کا کہنا تھا کہ ہمیں بھی اس انتخابات پر تحفظات ہیں۔ ذرائع کے مطابق اسد قیصر نے کہا کہ حکومت بنی یا اپوزیشن ہم ساتھ چلیں گے، عمر ایوب ہمارے وزیراعظم کے امیدوار ہے امید ہے آپ تعاون کریں گے، اپوزیشن بھی ملکر ساتھ کریں گے۔ مولانا فضل الرحمان نے پارٹی کی جنرل کونسل سے مشاورت تک وقت مانگ لیا۔ الیکشن پر دونوں پارٹیوں کو تحفظات ہیں، حافظ حمد اللہ ملاقات کے بعد حافظ حمد اللہ نے میڈیا سے گفتگو کرتے ہوئے کہا کہ دونوں پارٹیوں کا اس بات پر اتفاق ہے کہ الیکشن صاف اور شفاف نہیں بلکہ دھاندلی زدہ ہے، اس سے ملک میں معاشی اور سیاسی استحکام نہیں آئے گا۔ عمران خان کی ہدایت پر مولانا فضل الرحمان سے ملاقات کی، بیرسٹر سیف بیرسٹر سیف نے کہا کہ عمران خان کی ہدایت پر پی ٹی آئی کا وفد مولانا فضل الرحمان سے ملاقات کیلیے آیا اور ملکی صورت حال سمیت الیکشن میں ہونے والی مبینہ دھاندلی پر بات کی۔ انہوں نے کہا کہ عمران خان نے ہدایت کی ہے کہ انتخابات میں دھاندلی کے خلاف احتجاج کرنے والی جماعتوں سے رابطہ کریں جس پر آج ہم نے فضل الرحمان سے ملاقات کی کیونکہ جے یو آئی کو بھی الیکشن پر تحفظات ہیں۔ بیرسٹر سیف نے کہا کہ انتخابات میں دھاندلی کے حوالے سے دونوں جماعتیں متفق ہیں، ہم انتخابی دھاندلی کے خلاف ہفتے کے روز ملک گیر احتجاج کریں گے اور یہ سلسلہ جاری رکھیں گے کیونکہ پاکستان کے عوام کا مینڈیٹ چھینا گیا ہے، اس کو قوم اور سیاسی جماعتیں تسلیم نہیں کرتیں۔ انہوں نے کہا کہ ’پی ٹی آئی مزید سیاسی جماعتوں سے رابطہ کرے گی اور ہم مینڈیٹ واپس لینے تک سکون سے نہیں بیٹھیں گے‘۔ تحریک انصاف کے ذرائع کا کہنا ہے کہ ملاقات میں پی ٹی آئی کی جانب سے جے یو آئی کو مل کر حکومت بنانے کی دعوت دی جائے گی۔ ایکسپریس نیوز کے پروگرام ‘سینٹر اسٹیج’ میں گفتگو کرتے ہوئے پی ٹی آئی کے رہنما علی محمد خان نے کہا تھا کہ بیرسٹر گوہر خان کی قیادت میں مولانا فضل الرحمان سے ملاقات ہونے جا رہی ہے، ضروری نہیں ہر بات پر اتفاق کیا جائے۔ علی محمد خان نے کہا کہ فارم45 کوئی اور کہانی سنا رہے ہیں اورفارم 47 کوئی اور کہانی سنا رہے ہیں، تحریک انصاف ملک کی سب سے بڑی جماعت بن کر سامنے آئی ہے، تحریک انصاف ابھی تک موجود ہے اور ہم سب اس کے رکن ہیں لہٰذا تحریک انصاف کو پارلیمان میں سیاست کرنے دی جائے، پی ٹی آئی پرپابندی لگائیں گے تو جمہوریت کمزور ہوگی۔ رہنما پی ٹی آئی کا کہنا تھا کہ پرویز خٹک کے ساتھ اتحاد کا کوئی امکان نہیں کیونکہ ان کے بانی پی ٹی آئی سے متعلق بیانات سے پارٹی میں تشویش ہے۔ علی محمد خان نے کہا کہ مخصوص نشستوں کے حصول کے لیے ہماری حکمت عملی جاری ہے، بانی پی ٹی آئی نے کہا ہے کہ پارٹی کا تشخص ہر صورت برقرار رکھنا ہے، پیپلزپارٹی اور مسلم لیگ (ن) سے ملکی مسائل پربات ہوسکتی ہے لیکن حکومت کے لیے پیپلزپارٹی اور مسلم لیگ (ن) کا حصہ بننا مشکل ہے۔