Mahasib: Latest News | Urdu News

وزیراعظم آزادکشمیر چوہدری انوارالحق کی زیر صدارت حکمران اتحاد میں شامل ساری جماعتوں کے ممبران /وزراء کا اجلاس وزیراعظم ہاوس مظفرآباد میں منعقد

مظفرآباد(پی آئی ڈی)14 ستمبر2023 وزیراعظم آزادکشمیر چوہدری انوارالحق کی زیر صدارت حکمران اتحاد میں شامل ساری جماعتوں کے ممبران /وزراء کا اجلاس وزیراعظم ہاوس مظفرآباد میں منعقد ہوا۔سپیکر اسمبلی چوہدری لطیف اکبر نے بھی اجلاس میں شرکت کی۔اجلاس 06گھنٹے تک جاری رہااور انتہائی خوشگوار ماحول میں پارلیمانی پارٹی نے عوام کو درپیش مسائل اور حکومتی اقدامات پر سیر حاصل گفتگو کی۔وزیراعظم نے عرصہ 04ماہ میں آزادکشمیر میں گڈ گورننس / مالیاتی ڈسپلن اور اختیارات کی نچلی سطح تک منتقلی سمیت عوام الناس کو درپیش بنیادی مسائل پر کیے گئے اقدامات سے آگاہ کرتے ہوئے اعتماد میں لیا۔ اجلاس میں موجود 32ممبران اسمبلی نے وزیراعظم چوہدری انوار الحق کی جانب سے آزادکشمیر میں عوام الناس کی اجتماعی بھلائی کے لیے اٹھائے گئے جملہ اقدامات کی تائید کرتے ہوئے وزیراعظم کو اپنی غیر مشروط حمایت اور تعاون کا یقین دلایا۔طویل بحث و تمحیص کے بعد بذیل فیصلہ جات کیے گئے: پارلیمانی پارٹی نے وزیراعظم آزادکشمیر کی جانب سے وفاقی حکومت، سینٹ آف پاکستان اور دیگر ذمہ دارا داروں کے ساتھ آزادکشمیر کے عوام کو درپیش بنیادی مسائل اور ان کے ممکنہ حل کے حوالہ سے جاندار اور مدلل انداز میں کشمیر کے لوگوں کا مقدمہ پیش کرنے پر پارلیمانی پارٹی نے وزیراعظم کوخراج تحسین پیش کیا۔بالخصوص آج کی اس ہو شر با مہنگائی و بجلی بلات میں اضافہ، آٹا پر دی جانے والی سبسڈی، نیلم جہلم منصوبہ کی وجہ سے مظفرآباد کے شہریوں کو درپیش مسائل، رٹھوعہ ہریام برج سمیت دیگر ایشوز /قومی منصوبہ جات پر وفاق کے سامنے جاندار موقف پیش کرکے کشمیریوں کی صحیح معنوں میں ترجمانی کی۔ وزیراعظم نے پارلیمانی پارٹی کو بتایا کہ آٹا بنیادی ضرورت ہے اوراس کے موجودہ انراخ پر غریب تک رسائی کو بہر صورت یقینی بنایا جائے گا۔ بجلی کے بلات میں غیر معمولی اضافہ پر کیا جانے والا نوٹیفکیشن معطل کرتے ہوئے جولائی کے انراخ پر بلات کی وصولی کو جاری رکھنے کا فیصلہ کیا گیا ہے۔ وفاقی حکومت سے اٹھائے گئے معاملات میں مظفرآبا کو نیلم جہلم منصوبہ سے ہونے والے مضر اثرات دور کرنے کے لیے شارٹ ٹرم اور لانگ ٹرم اقدامات سے آگاہ کیا۔ واپڈابعجلت ممکنہ واٹر باڈیز کی تعمیر پر آمادہ ہو چکا ہے۔دریائے نیلم میں پانی کا بہاو 8کیو بک میٹر سے بڑھا کر 20کیوبک میٹر کر دیا گیا ہے جس کے اثرات بھی سامنے آنا شروع ہو چکے ہیں۔ ایک ماہ میں تین مرتبہ دریائے نیلم کی فلشنگ کا فیصلہ ہوا ہے تاکہ سیورج کے بد اثرات کو ختم کیا جا سکے۔ پارلیمانی پارٹی نے فیصلہ کیا ہے کہ جملہ ایڈھاک / کنٹریکٹ ملازمین کو 30ستمبر تک توسیع دیتے ہوئے باقی ماند تنخواہ فوری ادا کی جائے گی۔ ملازمین کے تبادلہ جات پر عائد پاندی کو ختم کرنے کے علاوہ تعلیمی ادارہ جات میں خالی اسامیوں کو پر کرنے کے لیے فوری اقدامات کیے جانے کا فیصلہ ہوا تاکہ تدریسی نقصان سے بچا جا سکے نیز محکمہ جات کی تقسیم کے ساتھ ہی تقرریوں پر عائد پابندی بھی فوری اٹھائی جائے گی۔ اجلاس کے اختتام پر پارلیمانی پارٹی نے وزیراعظم کی جانب سے آزادکشمیر کے اجتماعی مفادات کے حوالہ سے اٹھائے گئے اقدامات پر اپنے بھرپور تعاون کا یقین دلاتے ہوئے وزیراعظم کو خراج تحسین پیش کیا۔

بھیڑی؛ عبدالطیف مدرس کی ریٹائرمنٹ کے موقع پر الوداعی تقریب منعقد

بھیڑی(نمائندہ خصوصی) گورنمنٹ پائیلٹ مڈل سکول بھیڑی ادارہ کے معلم عبدالطیف کے اعزاز میں ریٹائرمنٹ کے موقع پر الوداعی تقریب کا انعقاد ،تقریب میں صدر معلم ادارہ سیف اللہ کیانی سمیت دیگر اساتذہ کرام اور معززین علاقہ کی بھرپور شرکت عبدالطیف مدرس کو ریٹائرمنٹ پر ان کی تعلیمی خدمات کو زبردست الفاظ میں خراج تحسین پیش کیاگیا،تقریب میں سردار بشیرحسین۔ریٹائر معلم میر محمد عارف۔معاون خصوصی ٹیچر أرگنائزیشن میر افتخار حسن ،صدر معلم ادارہ سیف اللہ کیانی ،میر مشتاق حسن۔میرمحمداجمل۔ میرمحمدریاض۔میرمحمدافضل۔میرعبدالوحید۔عبدالرحمان کیانی۔سردارمحمدنصیر۔ کے علاوہ دیگر اساتذہ کرام نے شرکت کی سٹاف کی جانب سے ریٹائر ہونے والے معلم عبدالطیف مدرس کو تحائف پیش کیے گئے اور دعاؤں کیساتھ رخصت کیا گیا #

اسلامیہ یونیورسٹی بہاولپور میں پیش آنے واقعہ پر بننے والی کمیٹی اپنا کام کررہی ہے،گورنرپنجاب

لاہور(بیورورپورٹ)گورنر پنجاب انجینئر میاں محمد بلیغ الرحمان نے کہا ہے اسلامیہ یونیورسٹی بہاولپور میں پیش آنے واقعہ کے حوالے سے حکومت پنجاب کی اعلیٰ سطح کی کمیٹی جس میں ڈی آئی جیز اورسینئر پولیس افسران شامل ہیں وہ اس وقت بہاولپورمیں کام کررہی ہے، اس کے علاوہ ہائر ایجوکیشن کمیشن (ایچ ای سی)کی اعلیٰ سطح کی کمیٹی جس میں 7ماہرین تعلیم شامل ہیں وہ بھی اس پر کام کررہی ہے، جیسے ہی رپورٹ آئے گی اس کو بھی شیئر کیا جائے گا۔ بدقسمتی سے یہ سارے واقعات اس وقت رونما ہوئے جب سابق وائس چانسلر کا وقت مکمل ہورہا تھا اوروہ گزشتہ روز اپنے عہدے سے سبکدوش ہو گئے جبکہ نئے وائس چانسلر نے آج اپنے عہدے کا چارج سنبھال لیاہے، میں ان کے لئے نیک خواہشات کااظہار کرتا ہوں۔ تعلیم کے اوپر کسی بھی طرح کا کمپرومائز نہیں ، ہمارے بچے اور بچیاں ہمارامستقبل ہیں۔ان خیالات کااظہار انجینئر میاں بلغ الرحمان نے میڈیا سے گفتگو کرتے ہوئے کیا۔ گورنر پنجاب میاںبلغ الرحمان نے کہا کہ آج کل سوشل میڈیا کا دور ہے اوروہاں پر سنسنی خیزی زیادہ پیدا ہوتی ہے، واقعہ چھوٹا ہوتا پھر بھی اہم تھا لیکن اس کو بڑھا چڑھا کر پیش کرنا اوردائیں بائیں کی ویڈیوز لگا کر اوراس کے اوپر نام لگانا یہ قابل گرفت ہے اورجولوگ ایسا کریں گے وہ یقیناً گرفت میں آئیں گے ، یہ افسوسناک بات ہے جو چیزیں شروع میں سامنے آئی تھیں لیکن جب تک اس کی مکمل تحقیق نہیں ہوجاتی میں اس پوزیشن میں نہیں ہوں کہ اس معاملہ پر کوئی حتمی رائے دے سکوں۔ ایک سوال پر گورنر پنجاب نے کہا کہ نگران سیٹ اپ کے حوالے سے طریقہ کار یہ ہے کہ دونوں طرف سے نام آتے ہیں اور اس میں سوچ بچار کرکے اتفاق رائے پیدا کیا جاتا ہے،ماضی میں ایسی شخصیات بھی رہیں جو سیاستدان تھے یا سینئر سیاستدان تھے اوران پر سب کا اعتماد تھا، شخصیت وہ ہونی چاہیے جس پر سب کااعتماد ہو۔ نگران سیٹ اپ کا مطلب ہی یہی ہوتا ہے کہ ایک نیوٹرل سیٹ اپ آئے ، میں امید کرتا ہوں کہ جو بھی مل جل کر فیصلہ کیا جائے گااس میں اجتماعی دانش کااظہار ہو گا اوراس میں اچھے نتائج آئیں گے۔گورنر پنجاب نے کہا کہ اس وقت حکومت کا سب سے بڑا چیلنج ملک کوڈیفالٹ سے بچانا تھا،آج نہ صرف اس میں کامیابی سے آگے چلے ہیں، پاکستان کو اللہ تعالیٰ کے کرم اورمحبت سے دیوالیہ ہونے سے بچالیا گیا ہے، نوجوانوں پر دوبارہ سرمایاکاری شروع ہوئی ہے جو کہ آج کے مقابلہ میں 2018میں کہیں زیادہ تھی،اللہ تعالیٰ نے اگرموجودہ حکومت کو دوبارہ موقع دیا تواس سرمایہ کاری کو بہت بڑھایا جائے گا۔

دارالحکومت کے نواحی علاقہ لنگرپورہ میں ناحلف بیٹا والدین اورر بہن بھائیوں کا دشمن بن گیا

مظفرآباد(سائلین ڈیسک)دارالحکومت کے نواحی علاقہ لنگرپورہ میں ناحلف بیٹا والدین اورر بہن بھائیوں کا دشمن بن گیا۔والدہ معصوم اور معصوم بھائی کو ڈنڈوں سے مارنے کے بعد ڈرامے کرنے لگا۔مرکزی ایوان صحافت کے باہر سڑک پر لیٹ کر والدین اور بہن بھائیوں کے خلاف احتجاج کرنے والے سادات گیلانی کی والدہ فیاض بی بی والد سید صادق حسین شاہ اور چھوٹے بھائی نے مرکزی ایوان صحافت کے سائلین ڈیسک مین روتے ہوئے کہا کہ نافران بیٹا ہمارا دشمن بن چکا ہے۔اس کا تایا اسکی پشت پناہ کر رہا ہے۔بدتمیزی گالم گلوچ کے ساتھ ماں اور بھائی کو مارتا ہے روتے ہوئے سعادات گیلانی کی والدہ فیاض بی بی نے کہا کہ زمین ہتھیانے اور پیسے کے لیے تشدد کرتا ہے۔مجھے اورر بوڑھے والد سمیت بچوں کو اس ناحلف بیٹے سے جان کا خطرہ ہے اور اس سارے معاملہ کے پیچھے اس کا تایا کا ہاتھ ہے انہوں نے حکومت، چیف جسٹس،چیف سیکرٹری، کمشنر مظفرآباد، ڈپٹی کمشنر، آئی جی پولیس، ڈی آئی جی، ایس ایس پی سمیت ذمہ داران سے اپیل کی ہے کہ ہمیں انصاف دیا جائے اور ظالم بیٹے کے ظلم سے بچایا جائے۔ہمیں گھر سے بے گھر ہونے سے بچایا جائے۔

میں کبھی بھی لیڈری کا دعویٰ نہیں کرتا ، ہم سب ورکر ہیں،شاہ غلام قادر

پونچھ جنڈالہ (محاسب نیوز)صدر پاکستان مسلم لیگ ن آزاد کشمیر شاہ غلام قادر نے کہا ہے کہ میں کبھی بھی لیڈری کا دعویٰ نہیں کرتا ، ہم سب ورکر ہیں میاں محمد نواز شریف ،میاں محمد شہباز شریف ،محترمہ مریم نواز شریف کے ،پارٹی کی مضبوطی کے لیے ہم سب نے ملکر کردار ادا کرنا ہو گا۔ مجھے معلوم ہے ایک سیاسی ورکر کی کیا مشکلات ہوتیں ہیں آزاد کشمیر کے عوام کے لیے ہمارے دروازے کھلے ہیں آزاد کشمیر کو مسائل کے دلدل سے مسلم لیگ ن ہی نکال سکتی ہے اور نکالے گی۔مجھے یقین ہے میاں محمد نواز شریف کی قیادت میں دوبارہ برسر اقتدار میں آئے گی ، پاکستان کو مسائل کی آماجگاہ بنانے والے اب کبھی بھی پاکستان کا اقتدار نہیں حاصل کر سکتے، مشکل ترین حالات میں پاکستان کو میاں محمد شہباز شریف نے نکالا جس وقت پاکستان میں وزیراعظم میاں محمد شہباز شریف نے اقتدار سنبھالا اس وقت معیشت تباہ و برباد ہو چکی ملک دیوالیہ ہونے کو تھا مگر الله پاک کے فضل سے پاکستان کو دوبارہ پاؤں پر کھڑا کرنے کے لیے میاں محمد شہباز شریف نے کردار ادا کیا ۔ مسلم لیگ ن آزاد کشمیر کا گڑھ ہے ، پونچھ ڈویژن کے عوام مسلم لیگ ن کو مضبوط کریں ان شاءاللہ اقتدار میں آ کر پونچھ ڈویژن کے عوام کے مسائل کے خاتمے کے لیے پورا کردار ادا کریں گے ۔ نئے شامل ہونے والے تمام کارکنوں کو خوش آمدید کہتا ہوں ،امید رکھتا ہوں تمام ساتھی ملکر پونچھ ڈویژن میں جماعت کی مضبوطی کے لیے کردار ادا کریں گے اور پونچھ ڈویژن کو کامیاب کرکے پونچھ ڈویژن کی سیٹوں کو میاں محمد نواز شریف ،میاں محمد شہباز شریف اور محترمہ مریم نواز کو تحفے میں دینگے۔ ان شاءاللہ آنے والے الیکشن میں پونچھ ڈویژن میں کسی بھی سیاسی جماعت کے ساتھ اتحاد نہیں ہو گا۔تقریب سے سابق ٹکٹ ہولڈر و ڈپٹی سیکرٹری جنرل عبد الخالق وصی ، چیرمین ضلع کونسل جاوید شریف ، سابق ٹکٹ ہولڈر حلقہ چار طاہر انور ، توصیف عزیز، ریاض روشن ، ظہور حسین ،قمر جہانگیر ، سردار خورشید، ساجد یعقوب ،خواجہ عمران اشرف ،جاوید اشرف ، سردار ظہیر ، بیرسٹر دانش ریاض، سردار فاروق، ودیگر نے بھی خطاب کیا۔دیگر سیاسی جماعتوں کو چھوڑ کر مسلم لیگ ن میں شامل ہونے والوں میں سردار ممتاز حسین ایڈووکیٹ ، سردار فیاض عباس، سردار بشیر، سردار امددار سلیم، سید ذاکر حسین شاہ، سید اعجاز حسین شاہ ، سید امجد حسین شاہ ، سید مشتاق حسین شاہ ، سید صیام مشتاق کاظمی ،سردار داؤد ،سید گل حسین شاہ ،سردار نسیم ، سردار فاروق ، سردار خورشید ودیگر نے شمولیت اختیار کی ۔تقریب سے خطاب کرتے ہوئے صدر پاکستان مسلم لیگ ن آزاد کشمیر شاہ غلام قادر نے کہا کہ کارکن جماعت کی ریڑھ کی ہڈی ہوتی ہے ، کارکنان کو جائز مقام دینے کی پوری کوشش کریں گے ، جماعت میں آپ کو عزت ملے گی،مقبوضہ کشمیر پر ظلم وستم عمران خان کی وجہ سے ہوا، الله کی لاٹھی بے آواز ہے کشمیریوں کی آہ نے عمران خان کو ڈبویا تحریک انصاف کبھی بھی پھلے پھولے گئی نہیں،مسلم لیگ ن ایک نظریاتی جماعت ہے دن بدن مزید اضافہ کریں گے،نواز شریف کے تعمیر وترقی کے ویژن کو آگے بڑھائیں گے ہر گلی محلے میں جماعت کو مضبوط کرنے کے لیے کردار ادا کریں گے ، جس سے بھی وفا کی وہ وفا نبھائی ہے۔اس موقع پر تقریب سے خطاب کرتے ہوئے مقررین کا کہنا تھا کہ ہم کبھی بھی تحریک انصاف میں شامل نہیں ہونا چاہتے تھے زبردستی شامل کیا گیا تاہم ہمارا دل میاں محمد نواز شریف کے لیے دھڑکتا تھا ،9 مئی کے واقعات نے ہمارے سر شرم سے جھکا دئیے ، پاک فوج نے ہمیشہ عوام کی بہتری کے لیے سوچا ہے ،میں باقاعدہ طور پر پاکستان مسلم لیگ ن آزاد کشمیر میں شاہ غلام قادر کی قیادت پر اعتماد کا اظہار کرتے ہوئے شمولیت کا اعلان کرتا ہوں، مقامی وزیراعظم ہونے کے باوجود کالج میں سائنس کلاسز کا آغاز نہیں ہو سکا۔ ہمارا حلقہ ہمیشہ اپوزیشن میں رہا ہمارے حلقے تعمیر وترقی میں بہت پیچھے ہے۔ آنے والا وقت پاکستان اور آزاد کشمیر میں مسلم لیگ ن کا ہے۔ حالات نے ثابت کیا ہے کہ آزاد کشمیر کو صرف مسلم لیگ ن ہی بحرانوں سے نکال سکتی ہے۔ پاکستان مسلم لیگ ن کے پاکستان اور آزاد کشمیر میں بے شمار احسانات ہیں جن سے ہم متاثر ہو کر باقاعدہ شمولیت کا اعلان کرتے ہیں۔ لیڈر شپ کا فقدان ہونے کی وجہ سے حلقے کے اندر بے شمار مسائل نے جنم لیے۔ نوجوانوں کا بہتر مستقبل پاکستان مسلم لیگ ن کے ساتھ جوڑا ہوا ہے۔ اب ان شاءاللہ اس حلقے کی ہوا چینج ہو جائے گی ان شاءاللہ آئندہ یہ حلقہ پاکستان مسلم لیگ ن کا ہو گا۔

محکمہ بہبودآبادی نیلم کے زیر اہتمام عالمی یوم آبادی کے موقع پر آگاہی واک کا انعقاد

نیلم( پی آئی ڈی) محکمہ بہبودآبادی نیلم کے زیر اہتمام عالمی یوم آبادی کے موقع پر آگاہی واک کا انعقاد کیا گیا۔ آگاہی واک ضلعی دفتر سے شروع ہو کر نیو لاری اڈا آٹھمقام اختتام پزیر ہوئی ۔ واک میں سابق وزیر حکومت مفتی منصور الرحمان، چئیرمین ضلع کونسل غلام مجتبیٰ مغل، ایڈمنسٹر بلدیہ سیدتجمل شاہ، سابق صدر بار نیلم بشارت میرایڈوکیٹ، رہنما ن لیگ عبد الشکور بانڈے،سیاسی و سماجی شخصیات کے علاوہ صحافی، محکمہ بہبودآبادی کے ملازمین و دیگر محکمہ کے ملازمین نے کثیر تعداد میں شرکت کی۔ اس موقع پرضلعی آفیسر بہبودآبادی ذیشان علی نے تمام شرکاء کا شکریہ ادا کرتے ہوئے کہا کہ آگاہی واک کا مقصد دنیا میں بڑھتی ہوئی آبادی کی وجہ سے پیدا ہونے والے مسائل کے حوالے سے عوام الناس میں آگاہی لانا ہے۔

مزمل حسین ھنجرا کا ہمراہ ایس ایچ او برنالہ چوہدری ارشد ،فوڈانسپکٹر زوہیب مظفر بازار کا اچانک دورہ

برنالہ(پی آئی ڈی) اسسٹنٹ کمشنر برنالہ مزمل حسین ھنجرا نے ہمراہ ایس ایچ او برنالہ چوہدری ارشد اور فوڈانسپکٹر زوہیب مظفر برنالہ بازار کا اچانک دورہ کیا ہوٹلوں بیکری دودھ دھی اور بیکری کارخانہ جات کی ناقص ستھرائی پر جرمانےکیےاور آئندہ کے لیے وارننگ دی کہ کوالٹی آف فوڈ پر کوئی کمپرومائز نہیں کیا جا ئے گا

جموں کشمیر تحریک حق خودارادیت انٹرنیشنل 13 جولائی سے ہفتہ شہداء کشمیر منائے گی

وزیراعظم چوہدری انوار الحق کی زیر صدارت محکمہ خوراک کا اجلاس جموں کشمیر ہاؤس اسلام آباد میں ہوا