HEC کی نیشنل کمپیوٹنگ ایکریڈیٹیشن کونسل کے وفد کا جامعہ قراقرم کا دورہ
جامعہ قراقرم طلبہ وطالبات کو گھر کی دہلیز پر موجود ہ دور کی ضروریات کے پیش نظر بہترین اعلیٰ ٹیکنالوجی کے مواقع مہیا کررہی ہے،وائس چانسلرKIU
گلگت (پ ر)ہائیر ایجوکیشن کمیشن پاکستان کے نیشنل کمپیوٹینگ ایکریڈیٹیشن کونسل نے قراقرم انٹرنیشنل یونیورسٹی کا دورہ کیا۔شعبہ تعلقات عامہ کے آئی یو کے مطابق کونسل کی سربراہی ڈاکٹر محمد شہباز یونیورسٹی آف انجینئرنگ اینڈ ٹیکنالوجی لاہور کررہے تھے۔جنہوں نے وفد کے ہمراہ وائس چانسلر کے آئی یو پروفیسر ڈاکٹر عطاء اللہ شاہ سے ملاقات کی۔ملاقات میں وفد نے سکول آف کمپیوٹنگ اینڈ ایمرجنگ ٹیکنالوجیز کے ڈگری پروگرام کی معیار سمیت دیگر سہولیات کا جائزہ لینے اور ایگریڈیٹ کرنے کے لیے دورہ کیاتھا۔اس دوران انہوں نے سکول کے کمپیوٹر لیبارٹریز،کلاسز رومزکا معائنہ اور اساتذہ کی تعلیمی اہلیت و استعداد اور طلباء کی دلچسپی کا جائزہ لیااور جس کے بعد وفد نے اپنی سفارشات بذریعہ کونسل ہائرایجوکیشن کمیشن کے اعلیٰ حکام کو پیش کرنا ہے اور کمیشن کے حکام نے رپورٹ کا جائزہ لینے اور تمام تر لوازمات کو مدنظر رکھتے ہوئے پروگراموں کو ایگریڈیٹ کرنے کی باضابطہ منظوری دینے ہیں۔وفد نے وائس چانسلر کو ایکریڈیٹیشن کے پورے عمل سے آگاہ کیا۔اس موقع پر اظہار خیال کرتے ہوئے وائس چانسلر کے آئی یو پروفیسر ڈاکٹر عطاء اللہ شاہ نے کہاکہ جامعہ قراقرم گلگت بلتستان کے طلبہ وطالبات کو گھر کی دہلیز پر موجود ہ دور کی ضروریات کے پیش نظر بہترین اعلیٰ ٹیکنالوجی کے مواقع مہیا کررہی ہے اور طلباء کاٹیکناجی تک رسائی کو مزید آسان بنانے کے لیے اقدامات اٹھارہی ہے۔وائس چانسلر نے وفد کی جانب سے جامعہ کے سکول آف کمپیوٹینگ اینڈ ایمر جنگ ٹیکنالوجیز کے مختلف پروگراموں کو ایکریڈیٹیشن کرنے کے عمل کو سراہتے ہوئے ایکریڈیٹیشن کے عمل کو احسن قرار دیتے ہوئے کہاکہ اس عمل سے مختلف پروگراموں کے معیارکو مزید بہتر بنانے میں مدد ملے گی۔
