پشاور(بیورو رپورٹ) وزیراعلی خیبرپختونخوا سہیل آفریدی نے کہا ہے کہ 27 اکتوبر 1947 کشمیر کی تاریخ کا سیاہ ترین دن ہے،خطے کا پائیدار امن مسئلہ کشمیر کے منصفانہ حل سے وابستہ ہے۔ یومِ سیاہ کشمیر کے موقع پر اپنے خصوصی بیان میں وزیر اعلی کے پی سہیل آفریدی نے کہا کہ بھارتی فورسز جموں و کشمیر پر ناجائز قبضے کے لئے سری نگر میں داخل ہوئیں۔1947 سے نہتے کشمیریوں پر ظلم و جبر کا سلسلہ آج تک جاری ہے آزادی مقبوضہ کشمیر کے عوام کا بنیادی حق ہے۔ہم کشمیریوں کی جدوجہدِ آزادی میں ان کے شانہ بشانہ ہیں،انسانی حقوق کے بین الاقوامی ادارے بھارتی مظالم کا نوٹس لیں۔دنیا اقوام متحدہ کی قراردادوں کے مطابق کشمیریوں کو حقِ خودارادیت دلانے میں کردار ادا کرے۔وزیر اعلی سہیل آفریدی نے مزید کہا کہ خطے کا پائیدار امن مسئلہ کشمیر کے منصفانہ حل سے وابستہ ہے،کشمیری عوام کی دہائیوں سے آزادی کی جدوجہد بے مثال ہے۔ انشااللہ کشمیری عوام کی یہ جدوجہد کامیابی سے ہمکنار ہوگی۔خود کو بڑی جمہوریت کہلانے والا بھارت کا ریاستی ظلم و ستم قابل مذمت ہے۔وزیراعلی سہیل آفریدی نے کشمیری عوام کی اخلاقی، سیاسی اور سفارتی حمایت جاری رکھنے کے عزم کا اعادہ کیا ۔
