نائب امام جمعہ و جماعت شیخ نثار محدی اور ڈپٹی کمشنر شگر کی اہم ملاقات

شگر (نامہ نگار) نائب امام جمعہ و جماعت شیخ نثار مھدی اور ڈپٹی کمشنر شگر کی اہم ملاقات: شگر کے مسائل پر تفصیلی گفتگو,نائب امام جمعہ و جماعت، علامہ شیخ نثار مھدی، نے ڈپٹی کمشنر شگر، عارف حسین سے ان کی آفس میں ملاقات کی۔ اس دوران شگر کے بنیادی اور اہم مسائل پر تفصیلی تبادلہ خیال کیا گیا۔ ڈی سی کی کاوشوں پر خراج تحسین کیا۔ علامہ شیخ نثار مھدی نے ڈپٹی کمشنر شگر کی جانب سے کیے گئے اقدامات کو بھرپور سراہا، بالخصوص انتقالات کی منسوخی کے حوالے سے ان کے کام کی تعریف کی۔ انہوں نے ڈپٹی کمشنر شگر کو درپیش مسائل و مشکلات سے آگاہ کیا، جن میں بجلی کا ناقص نظام ایک اہم مسئلہ تھا۔ اس موقع پر ڈپٹی کمشنر شگر عارف حسین نے شیخ نثار مھدی کو مکمل یقین دہانی کرائی کہ شگر کے تمام مسائل کو بہتر بنانے اور حل کرنے کے لیے ترجیحی بنیادوں پر کام کیا جائے گا۔ بجلی کے نظام میں بہتری کا وعدہ بجلی کی صورتحال پر بات کرتے ہوئے، ڈی سی شگر نے اس عزم کا اظہار کیا کہ ایک ہفتہ کے اندر بجلی کے فیز 2 کا کام بھی مکمل کر لیا جائے گا، جس سے شگر کی عوام کو فوری اور بڑا ریلیف فراہم ہوگا۔