اسلام آباد (بیورو رپورٹ)صدر پاکستان پیپلز پارٹی آزاد کشمیر چوہدری محمد یٰسین کی قیادت میں پارٹی کا آزاد کشمیر بھر میں شاندار سیاسی انگز کا سلسلہ جاری۔ ضلع جہلم ویلی سے چئیرمن ضلع کونسل جہلم ویلی طیب منظور کیانی، وائس چیئرمین ضلع کونسل ضلع جہلم ویلی زاہد فرید، ممبر ضلع کونسل جہلم ویلی ساجدہمدانی، یوتھ سپیکر چوہدری شکیل اور چوہدری عابد حسین جیسی قد آور شخصیات اپنے رفقاء اور ورکرز سمیت پاکستان پیپلز پارٹی آزاد کشمیر میں شامل ہوگئے۔ چیئرمین ضلع کونسل جہلم ویلی طیب منظور کیانی نے اپنے دیگر ساتھیوں کے ہمراہ باضابطہ پریس کانفرنس کرکے گورنر پنجاب سردار سلیم حیدر، صدر پاکستان پیپلز پارٹی آزاد کشمیر چوہدری محمد یٰسین، وزیر حکومت آزاد کشمیر چوہدری رفیق نئیر، مشیر حکومت نبیلہ ایوب، ممبر اسمبلی جاوید بٹ، سابق وزیر حکومت سردار عابد حسین عابد اور دیگر پارٹی رہنماؤں کی موجودگی میں شمولیت کا اعلان کیا۔
