مظفرآباد(کرائم رپورٹر) قانون سازی کا فقدان، نجی لیبارٹری مالکان شہریوں سے من مانے نرخ وصول کرنے لگے، ہر لیبارٹری کا اپنا ریٹ، دوسری جانب ایکشن کمیٹی نے مفت علاج معالجے کا مطالبہ چارٹر آف ڈیماند میں درج کر رکھا ہے، عام آدمی شدید مشکلات کا شکار، ایک جانب جان بچانے والی ادویات کی قیمتوں میں پہلے ہی بے تحاشہ اضافہ ہو چکا ہے جس نے غریب عوام سے سکھ چھین لیا ہے دوسری جانب رہی سہی کسر نجی لیبارٹری مالکان نے نکال کر رکھ دی ہے لیبارٹریوں میں بلڈ سی پی،ایل ایف ٹی،ایکسرے،الٹراساؤنڈ،ای سی جی،ہیپا ٹائٹس و دیگر ٹیسٹوں کے لئے جانے والے غریب عوام کی چمڑی ادھیڑ کر رکھ دی جاتی ہے ہر دکان کا اپنا ریٹ ان لیبارٹریوں کے لئے کسی قسم کا ضابطہ اخلاق کا نہ ہونا محکمہ صحت کی نااہلی پر سوالیہ نشان چھوڑ چکا ہے، عوامی حلقوں نے مطالبہ کیا ہے کہ نجی لیبارٹریوں میں کئے جانے والے ٹیسٹوں کے نرخ مقرر کر کے سامنے آویز اں کئے جائیں تا کہ غریب شہری لٹنے سے بچ سکیں #
