اسلام آباد (بیورو رپورٹ)وزیراعظم شہباز شریف نے کہا ہے کہ واشنگٹن میں امریکی صدر ڈونلڈ ٹرمپ سے انتہائی مفید ملاقات ہوئی، اچھے ماحول میں ہونے والی اس میٹنگ سے پاکستان اور امریکا کے تعلقات میں مزید مضبوطی آئے گی۔اتوار کو برطانیہ میں سمندر پار پاکستانیوں سے خطاب کرتے ہوئے وزیراعظم شہباز شریف نے کہا کہ اوورسیز پاکستانی ہمارا قیمتی سرمایہ ہیں، اوورسیز پاکستانی ملک کا نام روشن کررہے ہیں، ملکی معیشت درست سمت میں گامزن ہے، ملکی معیشت کی بہتری میں بیرون ملک مقیم پاکستانیوں کا کردار اہم ہے۔وزیراعظم نے کہا کہ 2 سے 3 سال قبل پاکستان کی معیشت ہچکولے کھا رہی تھی، مشترکہ کاوشوں سے ا?ج ہماری معیشیت مستحکم ہورہی ہے، معیشت کی ترقی کا وقت آچکا ہے، معاشی استحکام بہترین ٹیم ورک کا نتیجہ ہے، ٹیم ورک کے بغیر کوئی کامیابی حاصل نہیں کی جا سکتی، عسکری، معاشی اور سفارتی محاذ پر پاکستان کو بڑی کامیابیاں ملیں۔شہباز شریف نے کہا کہ پاکستان خارجی معاذ، عسکری اور معاشی میدان میں ا?گے بڑھ رہا ہے، پاکستان کی عزت اور توقیر میں اضافہ ہوا، ہم نے جنگ جیت کر دشمن کو شکست فاش دی، اللہ تعالیٰ نے پاکستان کی شان و شوکت میں اضافہ کیا۔انہوں نے سمندر پار پاکستانیوں کی خدمات کو سراہتے ہوئے کہا کہ سمندر پار پاکستانی اپنے اپنے دائرے میں ملک کی خدمت کر رہے ہیں، ا?پ لوگ پاکستان کے ایمبیسیڈرز ہیں۔وزیراعظم کے بقول اقوام متحدہ کے اجلاس میں پاکستان کا مقدمہ بہترین انداز میں پیش کیا، غزہ اور کشمیر کے مقدمے کو دنیا کے سامنے بہترین انداز میں اجاگر کیا، غزہ میں 64 ہزار سے زائد بے گناہ فلسطینی بچوں، نوجوان، بزرگوں اور خواتین کو شہید کیا گیا، غزہ میں ظلم کا خاتمہ اور جلد امن قائم ہونا چاہیے، ایسا ظلم ہم نے پہلے کبھی نہیں دیکھا، دعا ہے غزہ میں جلد از جلد اس ظلم کا خاتمہ ہو۔شہباز شریف نے مزید کہا کہ مسلم ممالک سربراہان کے ساتھ بھی غزہ کے مسئلے پر امریکی صدر ڈونلڈ ٹرمپ سے میٹنگ ہوئی تھی، امید ہے اس حوالے سے جلد حوصلہ افزا نتائج سامنے ا?ئیں گے، پاکستان اور امریکا کے تعلقات میں بہتری آئی ہے۔وزیراعظم شہباز شریف نے کہا کہ اقوام متحدہ کے اجلاس میں اپنی تقریر کے دوران 24 کروڑ پاکستانیوں کے جذبات کی عکاسی کی، کشمیر کا مقدمہ بھی اقوام متحدہ میں لڑا۔اقوام متحدہ اجلاس میں پاکستان کا مقدمہ بہترین انداز میں پیش کیا، اسحاق ڈار اس موقع پر نائب وزیراعظم اور وزیر خارجہ اسحاق ڈار نے کہا کہ غزہ کے حوالے سے صدر ٹرمپ کے ساتھ مسلم رہنماو¿ں کی ملاقات ہوئی، امید کرتے ہیں ملاقات کا نتیجہ مثبت نکلے گا، اقوام متحدہ کے اجلاس میں پاکستان کا مقدمہ بہترین انداز میں پیش کیا۔اسحاق ڈار نے کہا کہ نوازشریف کے دور میں پاکستان 24 ویں بڑی معیشت تھا، ہماری حکومت نے پاکستان کو دیوالیہ ہونے سے بچایا، موجودہ کوششیں پاکستانی معیشت کو مزید بہتر کریں گی۔
