مظفرآباد

فوڈ اتھارٹی کی مظفرآباد اور بھمبر میں کارروائی‘والز آئسکریم کاویئر ہاؤس سیل

مظفرآباد(محاسب نیوز)فوڈ اتھارٹی مظفرآباد کی بڑی کارروائی، ایس او پیز کی خلاف ورزی پر مشہور آئسکریم کمپنی والز آئسکریم کا وئیر ہاؤس سیل کردیا گیا۔تفصیلات کے مطابقاسسٹنٹ فوڈ سیفٹی آفیسر قاضی شفیق الرحمن نے ہمراہ ٹیم شہر کے مختلف آئسکریم وئیر ہاؤسز کا معائنہ کیا۔ معائنے کے دوران وئیر ہاؤس کی خستہ حالی، آئسکریم ہینڈلنگ کے ناقص انتظامات اور حفظانِ صحت کے اصولوں کی سنگین خلاف ورزیوں پر فوری کارروائی کرتے ہوئے والز آئسکریم کے وئیر ہاؤس کو سیل کر دیا گیا۔ اس موقع پر ڈسٹرکٹ فوڈ کنٹرولر مظفرآباد ابرار احمد میرنیمیڈیاکوبتایاکہ، غیر معیاری آئسکریم کا استعمال بچوں میں پیٹ کی خرابی، جلدی الرجی، جگر و گردوں کے امراض، اور بڑوں میں معدے و دل کے مسائل پیدا کر سکتا ہے۔فوڈ اتھارٹی نے شہریوں سے اپیل کی ہے کہ وہ آئسکریم خریدتے وقت برانڈ، ایکسپائری ڈیٹ، اور فوڈ لائسنس نمبر ضرور چیک کریں اور غیر رجسٹرڈ یا غیر معیاری مصنوعات سے اجتناب کریں۔عوام کی سہولت کے لیے فوڈ اتھارٹی کی ہیلپ لائن اور سوشل میڈیا پلیٹ فارمز پر شکایات درج کروائی جا سکتی ہیں۔فوڈ اتھارٹی نے یقین دلایا ہے کہ غیر معیاری اور مضرِ صحت آئسکریم تیار کرنے والوں کے خلاف سخت کارروائی جاری رہے گی اور فوڈ اتھارٹی شہریوں کو محفوظ، معیاری اور صحت بخش خوراک کی فراہمی کے لیے سرگرم عمل ہے۔

Related Articles

Back to top button