حویلیاں(نامہ نگار) عوامی مشکلات کے پیش نظر ایوب پل کو ہنگامی بنیادوں پر تعمیر کریں گے،ایوب پل کی مکمل فزیبلٹی رپورٹ وزیراعظم شہباز شریف پیش کر دی ہے،عوام اپنے منتخب نمائندوں سے بھی کارکردگی رپورٹ طلب کریں ان خیالات کا اظہار سابق وفاقی وزیر صوبائی سیکرٹری جنرل مسلم لیگ ن مرتضی جاوید عباسی نے حویلیاں میں مسلم لیگ ن حویلیاں کے صدر ملک حبیب الرحمن سابق ممبر تحصیل کونسل امجداقبال تنولی اور ملک سجاد احمد سے ملاقات کے موقع پر کیا انہوں نے کہا کہ پاکستان مسلم لیگ ن ملک میں ہونے والے سیلابی نقصانات کے ازالے کے لئے ہر ممکن اقدام کررہی ہے اس وقت پنجاب سمیت ملک کے بیشتر حصوں میں سیلاب کی تباہ کاریوں نے پورے سسٹم کو جام کریں دیا ہے مرتضی جاوید عباسی نے کہا کہ ایوب پل کی اہمیت اور افادیت کے پیش نظر اس کی مکمل تعمیر کے لئے وزیراعظم پاکستان میاں شہباز شریف کو رپورٹ پیش کر دی ہے اور جلد اس پر ہنگامی بنیادوں پر کام شروع ہوگا مرتضی جاوید عباسی نے مسلم لیگ ن کی مقامی قیادت کو ہدایت کی کہ پارٹی کی مضبوطی اور مسائل کے حل کے لئے زاتی اختلافات ختم کر کے عوام اور کارکنوں کی خدمت کریں۔
