مظفرآباد(محاسب نیوز) سیدبازل علی نقوی وزیر صحت عامہ سے سید صمصام علی صامی مرکزی صدر کی قیادت میں پیرامیڈیکل سٹاف ایسوسی ایشن (رجسٹرڈ)آزاد جموں و کشمیر کے وفد کی ملاقات،ملازمین راہنماؤں نے سید بازل علی نقوی کو وزارت صحت عامہ کا قلمدان سنبھالنے پر مبارکباد پیش کی،مظفرآباد ڈویژن کو پہلی مرتبہ وزارت صحت ملنے پر پیرامیڈیکل سٹاف ایسوسی ایشن کی مرکزی،ڈویثرنل،ضلعی قیادت نے فیصل ممتاز راٹھور وزیراعظم آزاد کشمیر کا شکریہ ادا کیا۔ پیرامیڈیکل سٹاف ایسوسی کے وفد میں سید صمصام علی صامی مرکزی صدر،سید سجاد حسین نقوی مرکزی سیکرٹری جنرل،محمدعرفان اعوان چیف آرگنائزر،راجہ اسدنصاب خان ڈویژن صدر مظفرآباد،چوہدری واجد حسین جنرل سیکرٹری،راجہ صداقت خان ضلعی صدر،سید لیاقت حسین نقوی جنرل سیکرٹری،جاوید اعوان وائس چیئرمین،قاضی حفیظ الرحمن ایڈیشنل جنرل سیکرٹری،حاجی نذیر احمد کھوکھر وائس چیئرمین،منیرانجم صدر تحصیل مظفرآباد،راجہ رفاقت حسین آرگنائزر،سید مختیار حسین آرگنائزر،سید عاشق حسین نقوی اور دیگر وزیر حکومت کو مبارکباد دینے میں شامل تھے،سید بازل علی نقوی نے تنظیی قیادت کو یقین دلایا، پیرا میڈیکل سٹاف کا مریضان کے علاج معالجہ کے عمل میں اہم رول ہے،ڈاکٹرز اور پیرامیڈیکس کو مریض کے علاج معالجہ کے دوران مشفقانہ طرز عمل اپنانا چاہئے، صحت کے شعبہ کا تعلق دکھی انسانیت کی خدمت سے ہے، سیدسجاد حسین نقوی جنرل سیکرٹری کے ایک سوال پر گفتگو کرتے ہوئے وزیر حکومت کا کہنا تھا، پیرامیڈیکس کے مسائل کے حوالہ سے تنظیم سے علیحدہ سے میٹنگ کریں گے،پیرامیڈیکس کے مسائل ترجیحی بنیادوں پر حل کریں گے،عباس انسٹیٹیوٹ آف میڈیکل سائنسز حکومت آزاد کشمیر کے چہرہ کی حیثیت رکھتا،عباس انسٹیٹیوٹ آف میڈیکل سائنسز کو مزید بہتر بنانے کی ضرورت ہے،عوام الناس کو بنیادی طبعی سہولیات کی فراہمی ہماری حکومت کی ترجیحی ہے، اج کے دور میں عوام بے شمار مسائل سے دوچار ہے،طبعی سہولیات کی فراہمی کے سلسلہ میں پیرامیڈیکل سٹاف ایسوسی ایشن کی قیادت آگے آنا ہو گا،تاکہ عوام الناس کو علاج معالجہ کی بہترین طبعی سہولیات بہم پہنچائی جاسکیں۔
