میرپور(بیورو رپورٹ)آزاد کشمیر پولیس کے نامور سینئر سپرنٹنڈنٹ پولیس پونچھ خاور علی شوکت نے امریکہ کے شہر کلاراڈو میں ہونے والی انٹرنیشنل پولیس کانفرنس میں انٹرنیشنل ایوارڈ حاصل کر لیاوہ آزاد کشمیر،پاکستان اور ساؤتھ ایشیا میں پہلے کم عمر ایس ایس پی ہیں جنھیں ان کی بہترین پولیس کی خدمات کے اعتراف میں انٹرنیشنل ایسوسی ایشن آف چیفس آف پولیس نے سال 2025 کے لیے انٹرنیشنل پولیس ایوارڈ کے لیے نامزد کیا تھا۔ خاور علی شوکت کا تعلق ضلع کوٹلی سے ہے وہ سابق چیئرمین بلدیہ حاجی رحمت خان کے پوتے موسٹ سینئر جرنلسٹ شوکت علی ناز کے صاحبزادے اور وقار علی شوکت اور جبار علی شوکت کے بڑے بھائی ہیں۔ جنھوں نے گزشتہ روز امریکہ کے شہر کولاراوڈ میں منعقدہ انٹرنیشنل پولیس کانفرنس میں انٹرنیشنل پولیس ایوارڈ وصول کرکے آزاد کشمیر اورپاکستان کا نام پوری دنیا میں روشن کیا۔ خاور علی شوکت کا شمار آزاد کشمیر کی پولیس میں اعلیٰ انتظامی صلاحیتوں کے مالک،نڈراور بہادرپولیس افسر میں شمار ہو تا ہے۔انہوں نے محکمہ پولیس میں قانون و آئین کی عملداری، عوام الناس کی جان و مال کو محفوظ بنانے اور ریاست سے جرائم کے خاتمے کے لیے بے پناہ مثالی خدمات سرانجام دیے ہیں۔ان کی طرف سے آزاد کشمیر پولیس میں کیے جانے والے بہترین اقدامات کے اعتراف میں انٹرنیشنل ایسوسی ایشن آف چیفس آف پولیس نے انٹرنیشنل ایوارڈ کے لئے نامزد کیا تھا۔یاد رہے کہ یہ انٹرنیشنل ایوارڈ ہر سال دنیا بھر سے 40 ممالک کے پولیس افسران کو دیا جاتا ہے۔ اس سال 2025 کے لئے ایس ایس پی پونچھ خاور علی شوکت کا آزاد کشمیر سے انتخاب کیا گیا۔ انٹرنیشنل پولیس ایوارڈ سے جہاں ایس ایس پی خاور علی شوکت کا محکمہ پولیس میں نام بلند ہو ا ہے وہاں اس ایوارڈ کے ملنے سے آزاد کشمیر اور پاکستان کے لئے بھی ایک بڑے اعزاز اور فخرکی بات ہے۔
